HELDU: HAZI, ESKURATU, IRITSI
HELDU, nire azken lana, aurkeztu nahi dizuet. Azken proiektu honetan, estetika berri bat garatu nahian, musika klasikoan, inprobisazioan eta hainbat jatorritako musika herrikoitan jarraitu dut sakontzen.
Edozein klixetatik urrun eta inspirazio iturri desberdinen arteko oreka bilatuz, kontzeptu pertsonal bat garatzen saiatu naiz. Sormenatik harago doazen gaietatik hasita, nire azken lan honetan, hausnartu egin dut aldarrikatzeko beharrera iritsi arte.
Estilo honetako proiektuak plazaratzeko aukera ezak nire lanaren ibilbidea birpentsatzera eraman nau. Sortze-prozesuaren ibilbidea disko bat argitaratzeko helburuarekin hasten bada gehienetan, HELDU proiektuan prozesuaren ordena aldatzen dut, disko bat grabatzeko garrantzia murriztuz. Diskoa prozesuaren ondorioa izango da, besterik ez.
Heldu proiektuaren prozesuaz gozatu arren, nahi dudana heltzea da. Kontzertuetan, eszenatokietan, lana publikoaren aurrean jotzera heldu nahi dut, proiektuaren azken helburua hartzailearengana heltzea baita.
Hori dela eta, orkestra proiektu musikaletan interesa dutenak eta sustrai herrikoi musika gustuko dutenak HELDU proiektuaren estreinaldira gonbidatzen ditut. Apirilaren 18an izango da, 19:00etan, Bilboko Elkarte Filarmonikoan.
Jerónimo Martín
"CANTÓN DE LA SOLEDAD", AURKEZPEN BAT
Bakardade sentimenduaren inguruan doan Kanta hori Gasteizko Alde Zaharreko “Cantón de la Soledad” kalearen izenean dago inspiratuta.
Jerónimo Martín: Pianoa, konposizioa eta moldaketak · Alejandro San Pelayo: Kontrabaxua · Rubén González: Saxo Tenorra · Arteus Orkestra · Zuzendaria: Iker Sánchez Silva · Grabazio-teknikaria (Mecca Recording Studio): Mikel Eceiza · Edizioa eta nahasketak: Unai Mimenza · Bideo-ekoizpena: zirriborro.tv · Diseinu grafikoa: Ona-Studio
'TOKIAN', HEMEN ETA ORAIN, JERÓNIMO MARTÍNEN AZKEN DISKOA
Bidea ireki eta argitzen duen bizitzaren erdigunea aurkitzearen poza.
Jerónimo Martín musikari eklektikoa da, eta musika klasikoa, jazza, inprobisazio librea eta konposizioa lantzen ditu. Bost disko argitaratu ditu, eta arte eszenikoetarako, zinemarako eta bandarako musika konposatu du. Donostiako Jazzaldian, Getxoko Jazzaldian eta beste hainbat agertoki ospetsutan aritu da bere hirukoteekin eta seikoteekin. Inprobisazioaren inguruan asko ikertzen du, baita musikaren irakaskuntzaren inguruan ere.
